عارفه انا الحوسه بتاعه جاى لى عريس مش عارفه اعمل ايه والبس ايه واتكلم ازاى
انا بقه قريت كتاب اسمه "عشان السناره تغمز"
للكاتبه "أمل محمود" بصراحه كتاب رائع !!
جمعتلكوا منه افكار تنفع لما تيجى تقابلى عريس
أول وأهم نقطه
لازم تعرفى انك كائن فريد من نوعه
ملكه متوجة فى السما
***********
حبى نفسك
لإنك لو حبيتيها هتخليها الأجمل والأصلح والأحسن والأشطر والأجدع وبالتالى كل الناس هتحبها
***********
بصى فى المرايه
قومى بصى فى المرايه
لو اللى شيفاه عاجبك يبقى هيعجب الناس
خلى بالك الناس بتشوفك بعينك انتى
***********
الإنسان بيتعود على الشكل بسرعة
يعنى لو إنتى هيفاء وهبى
لكن بتقعدى قدامه بتتقلبى أبو الهول وبتبقى باردة
يبقى كام قعده "وابقى سلملى على جوزك يا اسماعيل بيه"
هو مش محتاج انتيكه محتاج إنسانة
يعنى لو كان شكلك عادى جدا
لكن شخصيتك دافية وجذابه
هيشوفك مارلين مونرو
***********
أنوثتك مش نابعه من تضاريس جسمك
أنوثتك نابعه من ذكائك العاطفى ورقتك فى الرد
وحنيتك فى التعامل وتعاطفك الحقيقى وقت اللزوم
وكلامك الحلو اللى يلمس القلب
كل ده اللى بيكون سحرك الخاص وانوثتك الطاغيه
يعنى الانوثه شخصيه مش هز كتاف
***********
لازم تهتمى جدا بريحتك
وتحطى مزيل عرق او شبة قبل ماتفكرى تقابلى حد
عشان مايطلعش يجرى منك
أوعى ترتبطى فى ذهنه بريحه وحشه وده مش فى مصلحتك تماما
مفيش داعى لو جه المره اللى بعدها تلاقيه حاطت مشبك فى مناخيره
***********
خلااااااااااااااص خلصت
باااااااي مستنيه ردودكم
موضوع: ♂ ♀ جاى لك عريس ؟! طب تعالى عشان السنارة تغمز ♂ ♀ 
الثلاثاء مارس 20, 2012 2:11 am
