ملكني غرامك
عضَو جَــديــدْ
عدد الرسائل : 5
العمر : 34
تاريخ التسجيل : 29/07/2013
 |  موضوع: روايةعشقت القمر لا شفته يذكرني بصورتك  الإثنين يوليو 29, 2013 8:42 pm | |
| روايه عشقت القمر لا شفته يذكرني بصورتك
السلام عليكم
جبت لكم روايه بقلمي وان شاء الله تعجبكم
قراءه ممتعه
"البارت الاول"
فتحت عينيها الساعه 6:00 الصبح شافت في وجهها خالتها ( زوجه ابوها ) و بنتها
خالتها ( زوجه ابوها ) بصراخ : قققققوومي نظفي البيت ولا تبيني انظف عنك ؟؟
شوق : بسرعه ي ميري
سولاف ماعطة شوق وجه : طيب ياخالتي بجي الحين بس باخذ شور واجي..
خالتها(زوجه ابوها):لالالا انا ابيه الحين ولا انادي ابوك يجي يتصرف معك..
سولاف:لالا ياخالتي.. الا ابوي انا جايه الحين..
خالتها(زوجه ابوها):بنات ما يجون الا بعين الحمراء..
شوق:ايه يايمه والله انك صادقه.." خالتها طلعت وشوق طلعت وراها "
قامت سولاف تغير لبسها وتغسل وجها تتوضى وصلت الفجر وراحت لخالتها
سولاف:نعم خالتي..
خالتها:نظفي البيت كله ومقدمت الباب..
سولاف:ان شاء الله خالتي الحين بنظف..
سولاف دخلت المطبخ وكشرت لما شافته شوق..شوق تنرفزة من حركتها
شافت كاس مويه فوق الطاوله وطيحته من يدها على الارض ونادت امها
شوق:يمه تعالي شوفي ميري كسرة الكاس..
جت وجهها احمر من العصبيه وجايبه خيزرانه معها:كسرتيه الله يكسر يدينك قولي امين..
سولاف خافت : لا خالتي.. والله مو انا والله..
خالتها:ماكفتك فعلتك لا وبعد تكذبين..
سولاف:لالا ياخالتي مو انا هذي شوق..والله شوق
شوق ببرائه: لا يمه مو انا... ايه انا ادري انها محتقرتني عشان كذا تتبلى علي..
رفعت خالتها الخيزرانه وضربتها بها بقووووه وهي قعدت تصااااااااااااارخ من الالــم
مطلق:ليش تضربينها ي مره ؟؟
شوق:يبه كسرت الكاس..
مطلق نظرها بنظرات خلتها تسكت وتبلع ريقها :اااسكتي انا ما اكلمك كلمت امك..
شوق بوزت بزعل
سولاف كانت تحسب ان ابوها بيوقف معها
مزنه:والله يا مطلق بنتك ذي يبيلها تربيه..
مطلق:اذا السالفه كذا انا اربيها لك..
فسخ العقال من على راسه وضربها لما اغمى عليها وكان جسمها كله ازررق من قوه الضرب..
شوق بخوف:وقف البنت بتموت علينا مو فاضين لها..
وقف مطلق مسكها من شعرها رماها على الارض بقووووووووووووووووووووووووووه
طلع بدون ما يلف : ودوها المستشفى مابي اوسخ سيارتي عليها " وطلع "
وخذوها ولبسوها عبايتها دقوا على الاسعاف وجاو شالوها
طلع الدكتور بعد ما كشف عليها ووجه مستغرب:انتوا اهلها ؟
مزنه بدون نفس : ايه..
الدكتور استغرب : وش صار للبنت ؟
شوق بنرفزه : وش دخلك.. اخلص قل وش فيها ؟
الدكتور كشر في وجهها : فيها شوي رضوض وكسر في يدها وحطينا لها مغذي... ابي احد منكم يجي معي عشان يوقع اوراق الموافقه
مزنه بدون نفس لفت لشوق : روحي معه وانا بشوف مسوده الوجه..
شوق:اااف طيب.." وراحت وراه"
( سولاف عمرها 18.. بيضاء .. شعرها طويل وناعم وغجري..وعيونها لونها اخضر فاتح كبيره وسيعه محدده باسود كنها حاطه كحل
وطيبه ما تشيل على خاطرها الباقي بتعرفونه في البارتات القادمه )
( مزنه سمراء...شعرها عراده لونها اسود..عيونها لونها بني غامق )
( شوق حنطيه.. وشعراها مو ناعم قصير اسود..عيونها صغيره ومسحبه لونها مثل لون عيون امها..مغروره شايفه نفسها.. تحسب انها اجمل
ملكات العالم.. وتغار من سولاف وتحسدها على جمالها )
\
/
\
/
عائلة ابو عبدالرحمن
"عند وريف"
كانت غرفتها حوسه وكانت متوتره لان اليوم عرسها على حبيبها (علي)
كانوا خواتها(سمر وميهاف يسولفون معها عشان تطلع من جو التوتر)
سمر كانت ماسكه الايباد حقها تشوف صور ممثلين وجالسه على السرير..
سمر:ميهاف شوفي هذا يخقق..
ميهاف:اشوف..وع والله ما شاف الحلى..والله ان اخوي فيصل احلى منه..
فيصل كان عند الباب يوم سمع اسمه فتح الباب بقوه..
فيصل:هاه كني سمعت اسمي..
سمر نقزت من الخوف:بسم الله الرحمن الرحيم انا كم مره اقول لك لا تسوي هذي الحركات معي..
وفيصل وميهاف فاقعين عليها ضحك..
فيصل+ميهاف:ههههههههههههههههههههههههه
فيصل:والله شكلك يضحك هههه..
ميهاف:ايه والله هههه هههه ليتني معي كاميره عشان اصورك هههه..
وريف عصبت عليهم من حركاتهم
وريف بعصبيه:اااقول يالله اطلعوا برى غرفتي انا متوتره وتزيدوني توتر..
فيصل راح وحط يده على كتفها:وش عليك وروف ليله فرحتها بتشوف حبيب القلب.اظرته وهو راك حواجبه..
من العصبيه خبطته بمخده الي حضنتها
فيصل قام وهو يضحك
فيصل:يالله انا طالع اشوف امي باي ولف على اخته
شبك يدينه بعض قام يرمش بعيون:اه اه ياعلاوي كم اُحِبُكَ اه اه.
وريف بعصبيه زايده:بببرررررى..
"عند عبدالرحمن"
توه جاي من شركة ابوه تعبان مره راح لصاله لقى ابوه وامه تاكل لمى
عبدالحمن:السلام.."راح حب راس امه وابوه"
ابوه+امه:وعليكم السلام..
لمى ماصدقت يقعد الا وهي في حضنه
عبدالرحمن:هلا لمى..
لمى تدور في جيوبه فجاه بوزت بزعل..
عبدالرحمن استغرب من زعلها المفاجى:وشفيك يا لمو؟
لمى متكتفه ولفه وجهها من الزعل
عبدالرحمن قام ينغز جنبها وهي قعدت تضحك
عبدالرحمن:هاه يالله قوليلي ليش زعلانه؟
لمى:ليث ما ثريتلي واوه؟(ليث=ليش\ثريتلي=شريتلي\ واوه=حلاوه)
عبدالرحمن:ههههههه والله يازينك ويازين كلامك اممم والله نسيت..
لمى:خلاث ادل انا ذعنانه..( ادل=اجل / خلاث=خلاص / ذعنانه=زعلانه )
عبدالرحمن:ياعيني على برنسيستنا..
ام عبدالرحمن:ايه والله بنت امها اجل وش تحسبها..
عبدالحمن بمزح:ايه يايمه انا الحين صرت كخى..
ام عبدالرحمن:اناما قالت كذا ياوليدي انت فيك الخير وبركه..
لمى وهي تسحب ثوبه بنظرات ترجي:حبيبي عبدالحمن ودني البقالة..
عبدالرحمن:ههههههههه ايه الحين صرت حبيبك والله انك مصلحجيه يمه بنتك هذي منو طالعه عليه..
ام عبدالرحمن:ياولد عيب تتكلم على اختك كذا..
عبدالرحمن:ان شاء الله.. يالله يالمى روحي البسي نعالك "اكرمكم الله" الشكوى لله.. وش نسوي غير ننفذ طلبات برنسيسه لمى..يالله تبون شيء
من برى بما اني بطلع..
ابو+امه:لا سلامتك..
عبدالرحمن وهو يمسك يد لمى :يالله مع السلامه..
امه+ابو:مع السلامه..
\
/
\
/
ا
(فيصل شعره اسود ناعم يوصل لين رقبتها ..عيونه واسعه رموشه طويله لونها عسلي فاتح ..انفه سله سيف.. يعصب بسرعه.. كلمه تمشي
على الكل ومايحب احد يعانده.. يحب الاطفال.. ودكتور اطفال.. يحب لمى اكثر من الباقي)
(عبدالرحمن الولد الكبير.. عمره33..حبوب هادي..جميل بمعنا الكلمه جذاب بشكل مو طبيعي والبنات يطيرون عليه بس ما يعطي احد وجه..
دايم في حاله)
(وريف .. عمرها 20..عيونها زرقاء غامق رموشها طويله انفها حاد..شعرها ناعم لونه كستنائي طويل لين اخر ظهرها..حبوبه تتنرفز بسرعه
تحب علي موت من صغرها هاديه ماتحب الظلم توقف مع الحق حتى لو من اغلا الناس)
(سمر اصغر وحده عمرها 19..شعرها ناعم لونه بني غامق ملامحها زي اخوها عبدالرحمن..حبوبه هاديه..دلوعة اهلها)
(ابو عبدالرحمن..اسمه سالم .. حبوب هادي حنون على عياله)
(ام عبد الرحمن..اسمها جواهر..حنونه انيقه تحب كل شيء مرتب على حسب الاصول)
\
/
\
/
عائلة ام عبدالله
"عند عبدالله"
كان على مكتبه تفاجأ بشرطه فوق راسه
ضابط1:انت عبدالله بن احمد ال....؟
عبدالله بستغراب(يارب وش انا مسوي):ايه اخوي انا عبدالله امر..
ضابط2:جان بلاغ القبض عليك لو سمحت تفضل معي للقسم..
عبدالله:ليش انا وش مسوي؟
ضابط1:تقدر تسال في القسم الحين لو سمحت امش معنا للقسم..
عبدالله مشى معهم للقسم..
كان الي في البنك يناظرون بستغرب لانهم عارفي ان عبدالله ما يسوي شيء يوديه للشرطه ..
مابين نظرات الناس وكلامهم كان في واحد يبتسم بخبث..
\
/
\
/
\
عائله ابو عمر
"عند ريفان"
ريفان:سرواتي يا سرواتي.
سرواتي:Yes Madame ( نعم مدام )
ريفان:Sroati quickly catarrhalis Bag delirious markets ( سرواتي بسرعه نزلي الشنطه هذي لـ السواق)
سرواتي وهي تشيل الشنطه:ok ( طيب )
راحت وسكرت الباب وراها
ريفان:ياربيه وين حطيت كرستالاتي؟
وهي تحوس دخل عليها وسيم:امي تقولك يالله بتجي الكوفيره في بيت عمي سالم الحين..
ريفان مو يمه تدور لين لقته :يسسسس لقيته..ايه وسيم وش كنت تقول ؟
وسيم عصب وسكـر الباب بقوووه وراه...
ريفان بصراخ :وججججججججججججججججججججججججججع..
تامر كان في غرفته توه طالع من الحمام "اكرمكم الله"ولاف الفوطه على خصره استغرب من الصوت راح يشوف دخل لغرفة اخته
تامر:سلامات وش فيك؟
ريفان طيرت عيونها ولفت وجهها بسرعه:ياوصخ روح البس داخل علي مفصخ..
تامر ناظر تحت بــآستغراب توه يستوعب
سكر الباب
بعد دقايق رجع
كان لابس جينز اسود وبلوزه بنفسجيه فيها كتابات بالاسود ( Shoes ) "اكرمكم الله" اسود وشعره مرتب وطالع جنــــآن
تامر:يالله قولي لي وش هذا الصوت؟
ريفان: هذا اخوك وسيموه ويا حركاته البايخه.. يعني ما تعرف؟
تامر:شكلك انتي منرفزته ولا اهو ما يسوي شي من دون سبب..
ريفان ببرائه:انا ماسويت له شيء..
تامر:طيب طيب.. ايه نسيت اقولك.. انتي الحين خلصتي؟
ريفان:ايه ليش؟
تامر:عشان بوديك انا..(عشان ايش يعني ابي اشوف حبيبتي اكيد)
ريفان:بس انا كلمه السواق..
تامر(وش ذا الورطه):امم لا ابوي يبيه..
ريفان: طيب قول لسرواتي تنزل الشنط من سيارات السواق..
تامر:طيب بس بسرعه..
ريفان:طيب..
(ريفان تشبه لسولاف مره تعرفون ليش في البارتات الجايه)
(وسيم اصغر واحد في العايله عمره 4 ملامحه مره كيوت دلوع امه وابوه)
(تامر عمره32 وسيم جدا حبوب وهادي يحب وحده من بنات عمه عبدالرحمن بتعرفونها في البارتات الجايه)
توقعاتكم:
وش بيصير في سولاف؟ هل بتتحسن معامله خالتها معها؟
من تكون حبيبت تامر؟ هل بيستمر حبه لها ولا البدايه داله على النهايه؟
وش بيصير لعبدالله هل القضيه صغير ولا فيها دخول لسجن وش السبب بظنكم؟
وهل وريف بترتبط بحبيب قلبها ولا بصير شيء يخرب العرس؟
هذا كله ان شاء الله في البارت الجاي
وانتظر ردودكم,ظنكم في البارت الجاي | |
|
