دعاء مواطن مصري ..............!!!!!!!!!!!!!!

اللهم أنقذنا من نفسية الزملاء.. وغباء الأصدقاء

اللهم ارحمنا من استبياع الجيل الجديد..

وحرائق السكة الحديد

واستقصاد كل مدير..

وندالة القرايب الصغير منهم والكبير

اللهم أغثنا من كل عميل ..

ومن فواتير موبينيل

اللهم أرحمنا من تشريفة عربيات المسئولين ,

وزحمة الشوارع في كل حين

وسحب الرخص في كل كمين..

من الغلبان مش م المتين

اللهم أهدى لنا سواقين الميكروباص والمدير البصباص

اللهم ارحمنا من الشئون القانونية وشئون العاملين

واللي بيقفوا فـ وسط الشارع فجأة وبدون إشارة يمين

اللهم قنا شر الكليبات.. وشر شلل البنات..

ولؤم الستات وغباوة الحموات

والمينيمم تشارج كافيهات.. وهيافة الصحف والمجلات

وقطع الحرارة فجأة عن التليفونات وقت الزنقات

والمدارس اللي بتطلب تبرعات بالألافات

ووقــــوع السيــرفـــر وقفلـــة السايتـــات

اللهم ارفع مستوى الزمالك .. لمستوى انبى والحدود..

أو حتى مستوى أسمنت أسيوط

أو أرسل يارب عليهم صاعقة.. بدل ما يخلونا نموت ... اللهم سدد أقساطنا .. وضلل عنا مآمير الضرايب

اللهم ارزق جيل الوسط عقود عمل في ليبيا وقطر

اللهم افتح لجيلنا القديم الطريق الفسيح

حتى ننظف انتخابات البلد من لعبة المراجيح

اللهم ارحمنا من الاكتئاب مرض العصر والشباب

واحمي يارب سماء مصر من سحابة الهباب

واكفنا شر صاحب الدقن الكداب

وصاحب التصريحات النصاب

اللهم ارزق كل بنت بعريس هدية ..

وكل شاب بوظيفة وشقة وعربية

اللهم أحرق الـ 0900 واضرب الحرامية بالحرامية

ونجح أي طالب في أي كلية

حتى ولو كان في خدمة اجتماعية

آآميين آآآمين

ااااااااااااااااامين ااااااااااااااااامين
هههههههههههههههههههههههههههههههههه
مشكوووووووووووووووووووووووورة ياقمر
بس اكيد برضة فى حاجات تانية المواطن المصرى بيدعى انها تتحقق واكيد الحاجات دى اهم من فواتيى ر موبينيل وقطع الحرارة عن التليفونات ....
فى مثلا مواطن مصرى بيدعى ان ربنا ميحرمهووووووووش من اهله وحبايبه وجيرانه المخلصين ويدوم عليهم الصحبة الحلوووووووة التى تميز الشعب المصرى ...
اكيد فى مواطن تانى بيدعى ان ربنا يوفقه فى تعليمه ويفرح اهله ويححقق الاحلام اللى حلموها ليه....
رغم الصعوبات التى يعانى منها الشعب المصرى والتى لا يعانى منها وحده ولكن هناك شعووووب اخرى تعانى منها ويمكن اسوا حالا من مصر الا ان الشعب المصرى مازال يمتاز بما يمتلكه من حب والفة وتقارب بين الناس فى السراء والضراء......مش صح برضة ياسمسمة ولا ايه؟
دعاء مواطن مصري ..............!!!!!!!!!!!!!! Attachment

دعاء مواطن مصري ..............!!!!!!!!!!!!!! Attachment

صح يا عسل وشكرا علي مرورك