النفس تامر بالخطا لشاعر (خالد المطير للأمانه)

نتبع هوى نفس عليها خذينا

لو قالت امشوا ما رفضنا وماشين

النفس تامر بالخطا لو نفينا

حقيقة ما هي هقاوي وتخمين

الله ذكرها بالكتاب وقرينا

ما قال رب البيت شفناه بالعين

بأمور دنيانا نحب السمينا

ونحارب الهزلات ونجنب الشين

وللأخرة كم ضاع خير علينا

يحول دون الخير بعض الشياطين

والله تمر اعمارنا مادرينا

تمضي وحنا بالملذات لا هين

مدري من الماضي وش اللي جنينا

لكن يبين العلم عند الموازين

احد كتابه بأخذه باليمينا

فايز ولا فكر بوضع الشقيين

مسرور من علمه ولا هو حزينا

يوم غيره يشكي الهم والبين

واحد خسر والفال مهوب زينا

يوم استمع علمه وشاف البراهين

ندم ويفرك من ندمه اليدينا

لا شك وش جدوى الندامات هالحين

تماكنوا دام الفرص في يدينا

وإلا بعد مدة ترانا مقفين

مشكورة كتيرررررررر