صحاني الحزن ماأدري أنا صحيته

دسيت تحت الضلوع الجرح وأخفيتـه
قلت آتصبر عليـه وذا العمـر فانـي

مرت عليه السنيـن وخافقـي بيتـه
يقتات نبضي ويشـرب نهر شريانـي

أحيان أحسـه مثـل طفلـي وربيتـه
وأحيـان كنـي أنــا بنتـه وربانـي

كم ليلة ٍ من ليـال العمـر غنيتـه
وكم ليلة ٍ من ليال الوجـد غنانـي

البارحـة والدمـوع تصبنـي جيتـه
قلـت الصبر مر وأوجاااعـي تبـلانـي

ياحارس الحلم وين الحلـم وديتـه؟
طال إنتظاري وعمـري راح ماجانـي

ناديت بأقصى الخفوق الحلـم ناديتـه
واسمع صدى صوت حلمي قبل يجفاني

همست باسمه وكف الشـوق مديتـه
قلت التمس لي طريق بغيهب أحزانـي

قدمت له باقـة أشواقـي وضميتـه
مثـل المطر زار صحراء العمر وأحياني

صحاني الحزن ماأدري الحزن صحيتـه
وسمعــت جــرحــي يغنـي ثـم نادانـي

ياحارس القلب كـان الحلـم لآقيتـه
علمه أنا كيف بعـده حزنـي أفنانـي

قل له بقلبي وطـن والسـر خبيتـه
ماأحدٍ درى بـه ولاأحـٍد دل عنوانـي

يسلمو كتيررررررر مجهود مميز جدااااااااااااااااااا