بشرتك دهنية وبتعانى من المسام الواسعة ..ادخلى وانا هساعدك......

نبدأ مع بعض بأسباب ظهور المسام الواسعة
وراثية
العمر
زيادة الإفرازات الدهنية للبشرة
إستعمال كريمات التفتيح
إستخدام وسائل غير مناسبة لنزع شعر الوجه (السويت و الماكينة )
أما علاجها بقى مش حيكون نهائي يعني النتيجة مش 100\ 100
لكن بيحصل تحسن كبير و ملحوظ
ممكن نلجأ للعلاج بالليزر لأنه بيجيب نتايج هايلة لكن مش كلنا نقدر عليه لأنه مكلف .
أنا عندي شوية أفكار ممكن تساعد في حل المشكلة دي
إستعمال منظف مخصوص للبشرة الدهنية وياريت يكون ماركة معروفة و مجربة و بلاش المنظفات اللي بتتعمل في البيت لأنها غير فعالة و دا عن تجربة ،ولو عايزة نصيحتي في غسول إسمه (أكني ستوب ) acne stop ودا هايل لمحاربة الحبوب و تنظيف مسام البشرة و برضه دا مش معناه إنه حينفع مع الكل لكن كل واحدة فينا ليها طبيعة خاصة و الي ينفع معاها مش شرط ينفع مع غيرها
إستعمال كريم تقشير للبشرة للتخلص من الخلايا و بقايا الجلد الميت و علشان نفضي المسامات المليانة أوساخ و دهون علشان ماتتحولش لحبوب و بكتريا (في متخصصين ف التليفزيون بيقولوا إن البشرة الدهنية ممنوع يتعمل لها تقشير أو صنفرة و دا غلط لأن التقشير ما بيخليش المسام متسخة ومسدودة ) وممكن إستعمال انواع صنفرة من السوق بس تكون ماركات مضمونة وأنا عن نفسي جربت أصالة كانت تحفة و كمان بتفتح البشرة و تنعمها و مناسبة جدا" للبشرة الحساسة و المختلطة و بتوحد لون البشرة مع الإستعمال المنتظم وممكن نستعمل و صفات صنفرة و تقشير طبيعية بس تكون مجربة قبل كدة و من مصدر موثوق فيه ،والصنفرة أو التقشير يكون مرتين أسبوعيا" مش أكتر من كدة ،وحبقى أقولكم علي طريقة تحفة لصنفرة الوجه تخليه منور وأبيض زي البدر

نوووووووورتى ساندرا التوبييييييييييك
مشكوورة حبيبتى على مرورك الحلوووووو