أنوااااااااااااع بنات الماسنجر...

السلام عليكم
شفت هالموضوع بمنتدى وحبيت انقلكم الموضوع

انا اليوم جايبه لكم بنات


اخليكم
؟
؟



العاقله!!

لما تفتح ماسنجرها ماتكلم احد.. تنطر الكل يرحب فيها وهي تبتسم وتقول شكرا..
واذا احد رسل حقها فايل او رابط اغنية حطت له علامة استفهام وتسكت نص ساعه ماتكلمه..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت مستانسة واااايد تحط ثلاث ابتسامات.

المصلحجية!!

ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول في الخارج.. واذا احتاجت مساعدة تييك وتسلم عليك وتقول وينك من زمان ماشفتك؟ شدعوه ماتسال علي؟
ترى اختي كل يوم تفتح ماسنجر مالي واوصيها تقول لك السلام لاني مشغووولة حدي في الدراسة.. لووووول حلوه الترقيعه
وبعد ماتخلص مصلحتها تقولك عن اذنك بروح اكمل مذاكره واختي بتقعد مكاني لاتكلمها بليز لووووول.

الرسميـة!!
ترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل.. احترم نفسك..
رجاء هذي امور خاصة فيني.. ولما تسالها شخبارك؟ ترد انا بخير وتسكت.. واذا سلمت عليها ترد وعليكم وتسكت..
ولما تعطيها اهداء تقولك شمعنا انا بالذات؟ ياحياة الشقا.. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.

المينونة!!

هذي كل سوالفها ضحك.. وكل شوي تكتب نكته وتضحك بروحها.. وضحكتها طويله تقريبا ثلاث سطور..
واغلب كلامها بالصور.. تستخدم كل صور الماسنجر وغلطاتها الاملائية وايد.. وتيمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتيي تسال عنها.. ينقالها متابعة الاحداث العالمية خخخخخخ.
وكل شوي تغير الصورة الجانبيه.. والنك.. ولون الخط لوووول.

الدفشــة!!

تغيب أيام طويلة ماادري وين تروح وترجع فجأة.. وكلماتها مثل.. شخبار امك عساها طيبة؟ ياحيوان.. اذلف.. اقلب ويهك.. .. لاتزعل من اختك تراني اضحك..
ودايم تطيح الميانة.. وثقافتها ماتعدى المتوسطه.. وتفكيرها في البر .. وتمووت في اغاني خالد عبدالرحمن..
وماتعرف من العطورات غير دهن العود ابوعشرين.. ولو كلمتها عن ماركة قوتشي او ديور بتقولك مقاطعة الامريكان.. وضحكتها نفس جذي هع هع هع
وتكتب بلون اسود لانها ماتعرف تغير الالوان هع.

البتــــة!!

طباخة ممتازة وتحب تسولف عن الاكل.. ودايم يوعانه.. ونقطة ضعفها الجالكسي جواهر والاندومي.. وقبل موعد العشا بساعه يكون تفكيرها متخربط ودايخه و تسولف بنفس خايسة..
ولما ينادونها للعشا تقفل الماسنجر بسرعة البرق.. لوووول وعادة يكون نكها فراولة الكويت او شوكولاته أنيقة او رمانه مخصرة..
ودائما تتكلم عن تجاربها الفاشلة في الريجيم هع.. مستحيل تشوفها في النهار لان الجو حار.. اوقاتها من العصر و طالع.
دمها خفيف ونبظة المشاعر وأقل موقف ممكن يبكيها.

البريئــة!!

عمرها يكبر وعقلها مايتغير.. للحين ياهل وعلى نياتها.. تثق في كل الناس وبسرعة تتأثر.. وكل يوم تسألك كم عمرك؟
تعشق سبيس تون وبينك بانثر و تحب تسولف عن الأزياء والتسريحات.. تتواجد في العصر و المغرب لانها تنام مبجر.. ماعدا يوم الخميس طبعا هع
شعارها الدنيا حلوة.. احيانا تييك سكتة قلبية من غبائها ومع جذي هي الاولى في المدرسه.. لو قلت لها باسرارك بتفضحك في كل المنتديات..
تخاف من الأرنب والقطوه و أي شي يمشي على اربع ريول.. حتى انت لو تمشي على اربع بتخاف منك هع.

الشينـــة!!

اسمها الحقيقي نوره او **** او حصه او عنبره او رقيه.. ويعايرونها في البيت ام ضرس او الحولا او البطه او ام يبهة..
وتيي الماسنجر تتميلح وتقول اسمي الجوهره أو مشاعل او او شهد او ريم او نوف او اسراء او نور.. ودايم و كل شي ما يعجبها.. واذا شافتك مشغول انواع الهواش والشتايم
تحتار شلون تراضيها.. تعطيها اغنية تقولك ماحب الاغاني.. تعطيها كرت تقولك انا مو ياهل جدامك.. تشبه سنفور غضبان كل شي يضايقها وكل شي يزعلها..
تكره اليسا ونانسي وتموت في الطقاقات.. ماتعرف تجامل ولاتمدح الا نفسها.. دايم توصف نفسها بالجمال والرشاقه..
تختار اسماء مثل الدلوعة.. الفاتنة.. الماسة.. أميرة.. الى اخره.

المتزوجـة!!
هذي ممكن تكون سبب في كرهك للزواج.. كل سوالفها عن مشاكل الزواج و غثى اعيالها.. وفجأة تقولك برب وتروح تصرخ على اعيالها وترجع
وكل يوم تسألك متى ناوي تتزوج عشان نفرح فيك؟ واذا وصل زوجها للبيت تقفل الماسنجر في ويهك وتطلع من غير لاتقول باي لوووول..
ومرات مختلفه مالها وقت محدد.. وترز صورة اعيالها في الماسنجر ينقالها تحبهم لوووول.. شعارها يازين حياة العزوبيه
نكها مثل المهمومه.. الجريحه.. المهاجره.. وتحب تسمع الكلام العاطفي وأغاني عبدالحليم.. مزاجها متقلب مرة تضحك ومره تبكي واحيانا تنام على الكي بورد هع هع.

شكرا على الموضوع المميز

تسلم إيديكى
وشكرا على التوبيك المميز

تسلمين

تسلمين الله يعطيك العافيه

تـــســـلـــمـــي
عــــلــــى ***الــــمــــوضــــوع***الـــرائــــع

ملقتش نفسى
ههههههههههه

شكرا بس ماقيت صفااااااااااااتي بالمسن
ههههههه
الي مافيه صفاتهاااااااااااا تكتب وش صفاتهااا الي تحس موجوده فيهاااااااا
شورايكممممممممم؟؟؟؟؟؟؟؟؟؟

تسلمين موضوعك حلووووووووووووووووووو مرة

اميرة الرومانسية كتب:

السلام عليكم


.

الشينـــة!!

اسمها الحقيقي نوره او **** او حصه او عنبره او رقيه.. ويعايرونها في البيت ام ضرس او الحولا او البطه او ام يبهة..
وتيي الماسنجر تتميلح وتقول اسمي الجوهره أو مشاعل او او شهد او ريم او نوف او اسراء او نور.. ودايم و كل شي ما يعجبها.. واذا شافتك مشغول انواع الهواش والشتايم
تحتار شلون تراضيها.. تعطيها اغنية تقولك ماحب الاغاني.. تعطيها كرت تقولك انا مو ياهل جدامك.. تشبه سنفور غضبان كل شي يضايقها وكل شي يزعلها..
تكره اليسا ونانسي وتموت في الطقاقات.. ماتعرف تجامل ولاتمدح الا نفسها.. دايم توصف نفسها بالجمال والرشاقه..
تختار اسماء مثل الدلوعة.. الفاتنة.. الماسة.. أميرة.. الى اخره.
ومره تبكي واحيانا تنام على الكي بورد هع هع.

ههههههههههههههههههههههههههههههه
ههههههههههههههههههه

والله انك تضحكيييييييييين

شفتي اسم نوره لا تتعرضين له

ماحد يوصل لحلاته بس
وبعدين مو عيب عليك تتعدين ع غيرك

ع الاقل جيبي الموضوع من غير ذكر اسماء

...... الحمدلله والشكر......

واذا كنتي ناقلته امسحيهم ... بس الوضع عاجبك

حتى في القران الكريم .. نهى الله سبحانه وتعالى عن الاستهزاء بالغير


نوره

تبغون احلى من الاسم ذا شئ

يسلمووووو

كتيرررر حلوين ياقمر مشكورة تحياتى الك

يسللممووووكتيررر

مرسي يا عسل موضوعك جميل